Pimienu Pančanku
Ščyry post
Ci ściažynka naŭprost
Na hulbu, da Abrama na piva...
U paetaŭ biblejski uzrost
Na viaki.
A kamuści na dziva.
Sapraŭdy,
Ci padłičym hady,
My, što zvykłi, šanujučy mieru,
Mierać viek daŭžynioj barady,
Ci padłičym, a kolki ž Hameru?
A mo nie ŭ hałavie,
U pustym rukavie
Zahaiŭšy niaŭhojnyja bolki,
Viedać, kolki Kupała žyvie
I Mikoła, što z Husava, kolki?..
Musim
Nie razhubicca zusim
I zaśviedčyć, pryśpiešyŭšy kroki,
Što viadzie nas za ruki Maksim,
Kab na śviet pakazać na šyroki.
Šlach, raŭniej,
I, paletak, runiej,
I nad kvietkaj niachaj pčała ŭjecca...
A paety starejuć raniej,
Čym astatniaje ŭsio čałaviectva.
Barani
Ad łichoj barany,
Boža, dušy ich – parastki ŭ rosach.
Ni kałyski u ich, ni truny,
Tolki vierš
Na ziamłi i ŭ niabiosach.
I adna
U paetaŭ vina:
Nie ŭmirajuć i ŭ viečnyja vieki.
Im hareć ad ciamna da vidna,
Im piatak nie zakryje pavieki.
Na syhniet
Nie mianiajcie sanet –
Jon čužy załatym paciarucham.
Słova ź viečnaści skaža paet –
I ŭmacujucca kvołyja ducham.
|
|
